快活谷餐廳小廚

营业中

休息中

今次嚟到跑馬地city walk住咗響港島區咁耐 都係第一次行過嚟～見到呢間餐廳都幾多人幫襯 價錢又公道 就食呢間先嚟一碗老火金銀花菜乾湯 好濃郁 真材實料 夠晒火喉❣️菜胆雞半隻份量都多 雞肉有咬口 食落比較淡口 冇咩調味 而且仲有大量嘅菜芯 配少少芡汁食 感覺好健康 ❣️鹹魚雞粒炒飯夠晒鑊氣 飯粒粒粒分明 炒得夠乾身唔油膩鹹魚具鹹香 配埋啲蔥花同炒蛋 食唔停口❣️蝦醬通菜蝦醬香口惹味 通菜爽口 夠晒翠綠 送飯一流❣️豆腐斑腩煲一上枱時吱吱聲 夠晒熱 斑腩口感實淨 啖啖肉蔥頭爆到好香 豆腐吸晒醬汁嘅香味 勁滋味最後仲有一碗煲到夠晒稔又重薑嘅蕃薯糖水送❣️聽到老闆叫得出大部分食客嘅名字 大部分幫襯嘅都係老街坊 好有人情味