Cafe Paradise (砵蘭街) (已結業)

過咗太子嗰邊食晏，同事之前推介過呢間cafe，今日有機會試下。餐廳門口已經有聖誕裝飾，仲有個午餐餐牌好fancy，係一個摩天輪🎡。下午一點入到去先發現餐廳咁滿座，好彩自己一條友即刻有位。食物有lunch set同石燒牛扒等等，套餐有埋餐湯(忌廉湯)同飲品，抵啲，所以叫咗香辣茄茸海鮮天使麵($72)🍝。天使麵賣相吸引，有唔少海鮮鋪面包括青口、蝦同帶子等，個汁幾惹味，少少辣，但亦唔會蓋過蕃茄味🍅，I like it，配上天使麵就更加掛汁👍。飲品方面，本身就已經包咗，如果叫餐牌上面嘅特飲就只需加$10👀，好抵喎因為有mocca、沙冰、梳打嗰啲。我就叫咗忌廉碎曲奇咖啡沙冰🍪☕️，原價要$42。實物比圖更吸睛，超滿超大杯，一飲發現真材實料，甜度剛好。我order完之後，見到有唔少其他食客即刻問店員乜嚟，仲有至少3-4個人真係叫咗沙冰🤣，哈哈跟風嘅。總括嚟講，依間cafe又真係幾唔錯嘅，lunch set都幾多選擇幾相宜，味道唔錯，沙冰必嗌，成座山咁高！環境算幾企理，仲好少女風，因為有QQ公仔🧸。雖然午市好多人，食客不斷，但店員都keep住好專業，有禮貌。我下次會同同事再嚟食過。