為食龍 (已結業)

餐廳以恐龍做主題，設計有心思有特色，連帶位牌仔都係恐龍仔。餐廳樓底高，環境闊落光線充足，坐得非常舒服。三色半刺身丼定食 $138定食有海苔、魚餅做前菜，刺身丼有三文魚、蟹膏、吞拿魚蓉同三文魚籽，三文魚刺身非常厚切，鮮味十足，香蔥吞拿魚蓉加蟹膏送飯一流，蟹膏咸香加上三文魚籽，唔會太咸亦有口感。忽然好富貴刺身丼定食 $208刺身種類更多，有吞拿魚、三文魚、牡丹蝦、三文魚籽、玉子，而最好食既係左口魚，仲要輕輕燒過，魚油超香，整體配合得啱啱食，食完飲埋冷泡茶解膩，非常完美。