毫無分串陀地串燒酒場

营业中

休息中

毫無分串係一間銅鑼灣新開張嘅串燒店，入面有大大塊霓虹燈牌寫住不醉無歸，適合打卡。鹵水牛脷幾好食，彈牙，唔太韌，有牛味。欣賞佢嘅燒菠蘿，新鮮，有炭火香，多汁，酸酸地好開胃。主食跟有和牛炒飯，夠哂多油、啲飯唔會乾身，有和牛碎，一啖飯一啖肉。仲有大大碟坨地細醬燒豬頸肉，可以配兩款醬，一款自製辣醬，香口又夠刺激，另一款係泰式辣醬，酸酸地易入口，成碟豬頸肉真係食極都仲有，可以試哂兩款特式醬料。特別令人眼前一亮嘅係佢消費夠數就送半打蒜蓉燒生蠔，大大隻，加埋蒜蓉夠哂滿足，新鮮、刺激，海水嘅鮮甜一湧而出，加上佢啖啖肉，真係令人回味無窮，係全餐飯最令人滿足嘅餐點。另外仲有大大杯檸檬茶，好鬼過癮，食咁多串燒就係需要佢嚟解渴。