影片
更多
2022-12-02
228 浏览
感覺超美的海豚🐬天花吊燈日式餐廳一般走木系設計，呢度就比較modern式日系風格，最搶眼就係佢哋天花嘅巨形海豚吊燈，旁邊仲有好多小魚燈，坐喺度用餐好似係嗰閃閃發光嘅海底世界咁，我諗如果有把梯，好多人都會爬上去打卡😅呢餐又係朋友請我食嘅生日飯，佢就揀咗去呢間餐廳同我慶祝生日，佢話比個驚喜我，等我有紀念性啲，一定會記得咁話😍🦪北海道仙鳳趾真蠔 $108🏵刺身 $198🏵廚師推介之一。**一般日式餐廳都附有餐牌以外嘅時令海鮮、海產）我慣常會點時令魚類剌身，一般都會好食。🐚活帆立貝刺身 $88🏵壽司盛 $248🏵壽司魚生有𠝹花，已沾上醬油，壽司飯加入醋，有助入口冇咁油膩，壽司盛有細緻位，不過個人喜歡食嘅時候才沾少許醬油。🦀甲羅燒配多士 $78🏵
日式餐廳一般走木系設計，呢度就比較modern式日系風格，最搶眼就係佢哋天花嘅巨形海豚吊燈，旁邊仲有好多小魚燈，坐喺度用餐好似係嗰閃閃發光嘅海底世界咁，我諗如果有把梯，好多人都會爬上去打卡😅
呢餐又係朋友請我食嘅生日飯，佢就揀咗去呢間餐廳同我慶祝生日，佢話比個驚喜我，等我有紀念性啲，一定會記得咁話😍
🦪北海道仙鳳趾真蠔 $108
🏵[食評］大size肉厚夠新鮮、creamy，入口有啖飲牛奶嘅感覺、有餘香口感唔錯，唔重海水味。因為我自己偏向鍾意法國生蠔，愛佢細細隻，重海水味，味濃。呢隻北海道真蠔，雖然唔係我嘅買飛佛，但係感覺良好、唔錯。
🐟秋刀魚刺身 $198
🏵[食評］秋刀魚肉質鮮甜、夠新鮮，沒有苦味，因為做剌身時，內臟處理得唔好，會帶有苦味。秋刀魚在秋、冬屬於時令魚類，所以係廚師推介之一。
**一般日式餐廳都附有餐牌以外嘅時令海鮮、海產）我慣常會點時令魚類剌身，一般都會好食。
🐚活帆立貝刺身 $88
🏵[食評］帆立貝剌身係我買飛佛，必點。新鮮、肉厚，可惜我只點了一隻，覺得唔夠喉。
🐟金槍魚壽司盛 $248
🏵[食評］金槍魚壽司魚生有𠝹花，已沾上醬油，壽司飯加入醋，有助入口冇咁油膩，壽司盛有細緻位，不過個人喜歡食嘅時候才沾少許醬油。
🦀甲羅燒配多士 $78
🏵[食評］正正常常嘅一道居酒屋料理。
🍆雜菜天婦羅 $78
🏵[食評］屬於正常水準，天婦羅炒漿有啲唔平均、微厚，不過蔬菜生熟程度都算好。
🍢串燒
～～～
雞軟骨 $22
燒雞腎 $28
燒雞翼 $28
*雞肝 $28
🏵[食評］味道唔錯，燒雞翼就可以再燒耐少少會更香。
*燒雞肝係餐牌以外菜式，岩手縣全天然無藥飼養。
[總結］屬於集團旗下日式餐廳，裝修有亮點，食物質素都唔錯，服務態度都算好，間中會嚟詢問食物質素如何。我就覺得如有興趣試吓，以散點形式比較好。
张贴
