影片
更多
2016-11-09
1458 浏览
7點左右去到餐廳，餐廳仲未有客人，感覺好似包場咁，侍應仲好好問我地想坐係邊到。不過過多15分鐘，開始多左客人入黎。餐廳有一個set menu，$388 邂餚宴岩哂我地2個人食。套餐包左：京式2小碟、原盅燉靚湯、花雕話梅醉蟹腳 (亞拉斯加皇帝蟹)、紅燒獅子頭、蟲草花翡翠苗、上湯水餃同埋精美甜品。雞絲粉皮呢個雞絲粉皮嘅味道啱啱好，青瓜切得好幼細，而上面嘅花生醬汁有好香濃嘅花生味，粉皮完全吸收晒，作為前菜真係一流。水晶餚肉肥瘦比例啱啱好，而且啲肉係一絲絲，不過有啲容易散。原盅燉靚湯呢排少咗飲湯水，呢個湯就啱晒我啦。燉湯嘅材料好豐富，而且唔覺有味精，飲完唔會好口乾，仲有啲滋潤，岩哂女人。花雕話梅醉蟹腳阿拉斯加皇帝蟹腳，啖啖都係肉，而且用花雕浸左先，非常濃嘅花雕味，但係唔會搶咗蟹腳肉嘅鮮甜味道。而且因為蟹腳大隻，只要用膠剪左右剪2刀就開到，非常方便。紅燒獅子頭雖然只係得兩舊獅子頭，但係舊肉都好勁份量，但正好適合一人一個。獅子頭肥瘦比例啱啱好，唔會太瘦食完痴牙，亦都唔會太肥。連配菜嘅津白都好入味，啖啖都令人停唔到口。蟲草花翡翠苗大大碟嘅翡翠苗，好有青蔥味，而且炒得好爽口，再加上用蒜蓉爆香後炒，配埋
餐廳有一個set menu，$388 邂餚宴岩哂我地2個人食。套餐包左：京式2小碟、原盅燉靚湯、花雕話梅醉蟹腳 (亞拉斯加皇帝蟹)、紅燒獅子頭、蟲草花翡翠苗、上湯水餃同埋精美甜品。
雞絲粉皮呢個雞絲粉皮嘅味道啱啱好，青瓜切得好幼細，而上面嘅花生醬汁有好香濃嘅花生味，粉皮完全吸收晒，作為前菜真係一流。
水晶餚肉肥瘦比例啱啱好，而且啲肉係一絲絲，不過有啲容易散。
原盅燉靚湯呢排少咗飲湯水，呢個湯就啱晒我啦。燉湯嘅材料好豐富，而且唔覺有味精，飲完唔會好口乾，仲有啲滋潤，岩哂女人。
花雕話梅醉蟹腳阿拉斯加皇帝蟹腳，啖啖都係肉，而且用花雕浸左先，非常濃嘅花雕味，但係唔會搶咗蟹腳肉嘅鮮甜味道。而且因為蟹腳大隻，只要用膠剪左右剪2刀就開到，非常方便。
紅燒獅子頭雖然只係得兩舊獅子頭，但係舊肉都好勁份量，但正好適合一人一個。獅子頭肥瘦比例啱啱好，唔會太瘦食完痴牙，亦都唔會太肥。連配菜嘅津白都好入味，啖啖都令人停唔到口。
蟲草花翡翠苗大大碟嘅翡翠苗，好有青蔥味，而且炒得好爽口，再加上用蒜蓉爆香後炒，配埋蟲草更加清新。
上湯水餃食到呢度其實已經飽左大半，加上個水餃係用韮菜去包，對於唔太好韭菜既我就唔係好吸引到。
杏仁豆腐杏仁做嘅甜品，就咁睇以為係大菜糕，點知一入口已經好勁杏仁味道，配埋雜果，用來做飯後甜品確係唔錯！
张贴
