影片
更多
2018-12-18
800 浏览
銅鑼灣百樂中心又有好嘢食喇！京.花朝環境舒適，價錢合理，仲有推廣價嘅項目，好抵食。有套餐，揸唔定主意的話可以叫套餐，應該更抵。但我今晚有明確目標，就係要食拔絲甜品！不過食甜品之前，都有食正餐嘅，哈哈。頭盤：北京醬蹄（$68）份量足夠一家人分享，醬蹄切到薄薄一片，好考刀功。調味剛剛好，唔會太鹹。滬式蜜餞火方（$25/件）季節性menu上嘅推介，依家都唔係有太多餐廳供應呢味菜色，所以我一見到就雙眼發光。帶鹹香嘅火腿，加上沾上蜜汁嘅腐皮，鹹甜相融，細個最鍾意食外面塊蝴蝶餅，而家人大左至知道火腿才是靈魂！上海粗炒（$88）熱辣辣上枱，夠晒鑊氣。做到上海菜濃油赤醬嘅效果，但又唔會覺得油膩。黃金蛋黃蝦（$118）鹹蛋黃鹹香惹味，蝦肉索晒味，正！同樣夠晒大份，4個人食都可以呢！我最期待嘅甜品出場：拔絲香蕉（$128）單睇賣相已經覺得好靚，而且拔絲甜品係好難整架，每件炸香蕉都做到外脆內軟呢，正！
京.花朝環境舒適，價錢合理，仲有推廣價嘅項目，好抵食。
有套餐，揸唔定主意的話可以叫套餐，應該更抵。
但我今晚有明確目標，就係要食拔絲甜品！
不過食甜品之前，都有食正餐嘅，哈哈。
頭盤：北京醬蹄（$68）
份量足夠一家人分享，醬蹄切到薄薄一片，好考刀功。調味剛剛好，唔會太鹹。
滬式蜜餞火方（$25/件）
季節性menu上嘅推介，依家都唔係有太多餐廳供應呢味菜色，所以我一見到就雙眼發光。帶鹹香嘅火腿，加上沾上蜜汁嘅腐皮，鹹甜相融，細個最鍾意食外面塊蝴蝶餅，而家人大左至知道火腿才是靈魂！
上海粗炒（$88）
熱辣辣上枱，夠晒鑊氣。做到上海菜濃油赤醬嘅效果，但又唔會覺得油膩。
黃金蛋黃蝦（$118）
鹹蛋黃鹹香惹味，蝦肉索晒味，正！同樣夠晒大份，4個人食都可以呢！
我最期待嘅甜品出場：
拔絲香蕉（$128）
單睇賣相已經覺得好靚，而且拔絲甜品係好難整架，每件炸香蕉都做到外脆內軟呢，正！
张贴
