未食前飲杯茶。茶款有好多選擇，我地揀左菊花茶，超純香超好飲～～
前菜叫左四款，花雕雞真係必食。花雕上價易入口，味甘香，雞用左一份雞脾肉，超嫩軟😋
宋嫂魚羹好多料，筍絲，冬菇絲等，絲絲切得均稱，味道酸辣好開胃，加少少胡椒粉更惹味～ 👍🏻
爆汁牛肉餡餅🥙 細細個。一口一個時真係要小心，真係脆脆嘅薄皮裏面真係包住熱濃嘅牛肉湯汁 💥
小籠包一籠四隻，同樣皮薄爆汁，顯示晒中國菜嘅功力❣️
食過晒前菜，就食主菜。嗌左瑤柱蛋白炒飯，炒到粒粒晶瑩獨立，加左蛋白，瑤柱絲同菜粒，簡單得不簡單，好香好好食😋 如果可以日日食就正 😂
另外一味就食黃金蝦球，配個蛋白炒飯簡直係最佳配搭，一流之選👍🏻 黃金蝦球雖然得四隻，但隻隻都好似乒乓波咁大粒，炸到香脆，肉質爽實，然後被一層咸蛋黃蓉包住 🤤🤤🤤 同炒飯一齊食真係舔舔脷。
食飽先再起甜品，甜品有兩道。
先係吾是南瓜，原來係南瓜型紫薯餡清蒸糯米滋，入口軟綿唔太甜，夠晒健康，值得一食。
豆沙窩餅就又甜又香脆，即整即起，新鮮好食😋
為全餐添上完美句號。
環境閑靜雅緻，非常適合同一班朋友 食飯傾計嘆茶👏🏻👏🏻👏🏻
