影片
更多
2018-03-27
297 浏览
而家愈來愈多omakase，有幾千蚊位，亦有幾百蚊位。是日去到渣甸中心，試左呢間應該都幾新嘅日本料理，晚市供應廚師發辦，定價中等，食完都同意大部分評語所言，性價比幾高啊。餐廳裝潢簡約，橡木色，轉彎會見到一個幾闊落嘅吧枱位置，入面仲有包廂，私隱度高。今晚我見到吧枱都已經接近坐滿，雖然新開，都有咁多捧場客，自然有一定嘅水準講明係廚師發辦，我地都好期待接下來會食D咩，師傅都係用當造食材去製作。鴨胸，粟米湯煙燻味重，完今唔乾韌，亦都好滑。粟米味香濃，配魚籽更帶出味道，口感稠身，幾特別師傅一路就為我地製作魚生、壽司。真鯛：有背有腩，先食前者，會有種層次遞進，入口唔黏，果然係腩位魚鮮味濃，留有餘韻，切得厚身八爪魚：味道幾濃，厚切新鮮，以醬油輕輕調味，一D都唔會韌。赤貝：冇令人失望，食落非常爽鮮。廚師用嘅都係即磨山葵，混入魚生，份量剛好鮑魚：有個醬汁，有少少酸酸地，鮑魚味極濃，纖維緊密有嚼頭。海膽魷魚壽司：海膽味道濃郁，魷魚係睇住師傅原隻薄切，食落新鮮順滑，我好鐘意海老壽司：幾大隻，爽口冇欺場。生蠔：即時解凍，加左啲酸酸地嘅果凍，食落口清新，即係好似我地檸檬汁咁，好有心思。蠔肉唔係creamy，好透
鴨胸，粟米湯
煙燻味重，完今唔乾韌，亦都好滑。
粟米味香濃，配魚籽更帶出味道，口感稠身，幾特別
師傅一路就為我地製作魚生、壽司。
真鯛：有背有腩，先食前者，會有種層次遞進，入口唔黏，果然係腩位魚鮮味濃，留有餘韻，切得厚身
八爪魚：味道幾濃，厚切新鮮，以醬油輕輕調味，一D都唔會韌。
赤貝：冇令人失望，食落非常爽鮮。廚師用嘅都係即磨山葵，混入魚生，份量剛好
鮑魚：有個醬汁，有少少酸酸地，鮑魚味極濃，纖維緊密有嚼頭。
海膽魷魚壽司：海膽味道濃郁，魷魚係睇住師傅原隻薄切，食落新鮮順滑，我好鐘意
海老壽司：幾大隻，爽口冇欺場。
生蠔：即時解凍，加左啲酸酸地嘅果凍，食落口清新，即係好似我地檸檬汁咁，好有心思。
蠔肉唔係creamy，好透徹，滑溜溜。
地蛤壽司：大隻厚身，煮成都花功夫，亦講究時令，好爽甜
燒白子：一大件切開拎去燒，面頭有D醬油，唔敢相信口感咁creamy軟滑，好似燒熱嘅棉花糖，完全無腥味
青柳貝：兩食，先食裙邊，兩食貝身，有係爽脆嘅類型，比較少食。
蟹肉壽司：蟹肉一絲絲，好分明，蟹膏好濃味，仲將蟹腳起肉，平時我就幫另一半整得多，今日就師傅整左俾我食。
魚子壽司：用左小銀碟裝住，魚油滿滿，有種鮮味，滿足感強。
拖羅壽司：我鐘意食D再肥美嘅拖羅，最後食到有少少筋。
海膽手卷：用紫菜輕輕兜住海膽同醋飯，海膽香氣充滿口腔，被海膽包圍好滿足
昆布湯：用左北海道昆布，再加特製昆布鹽製作，味道好清，冇多加調味，令一餐飯回歸平靜。
甜品上左靜崗蜜瓜，水份多，又夠香甜
整體而言，每位1200蚊左右，都唔算係最貴嘅omakase，但質素卻有番咁上下水準。
環境舒適，師傅又幾好傾，好似學到野咁，又食到D之前冇食過嘅食材，不枉此行。
久唔久有特別日子慶祝下，而且每次來都有D唔同嘅新鮮感，值得一試
张贴
