影片
更多
2018-09-23
194 浏览
好耐無食過燒肉啦，所以今晚同好姐妹黎呢度準備豪食！！餐廳座位闊落，坐得舒服！任食2.5小時，可以慢慢傾、慢慢坐！先先上左海鮮拼盤！嘩！睇落樣樣都好肥美！好吸引！有鮑魚、螺、蠔、大蝦同喜之次！望落好新鮮！未燒已經留晒口水！喜之次平時少食，好多肉。職員介紹話喜之次由深海捕上黎，因為壓力改變太大，所以只眼會甩左出黎，又長知識了！喜之次肉質較實，深海上黎所以本身已咸咸地，唔洗再落鹽都好夠味。幾好肉，燒熟後好香，無物骨，yummy!!大蝦用燒方式食，焦焦地，好香！蝦肉爽口彈牙，好新鮮海鮮要多啲時間去燒，望住佢等既時候好漫長😂😂生蠔好肥美，鮑魚都好大只，好好肉！刺身好鮮甜！無腥味！平時唔太鍾意食魚刺身，驚腥，但呢度既油甘魚、吞拿魚都好新鮮，無腥海膽成板上，好甜！燒肉有好多款選擇！值得一讚係佢係每種肉上面都會放返名牌，等客人知道食緊咩肉，中意食既可以encore！因為之前經驗係成日食完想叫返，但永遠叫唔返果款😂😂呢度做得好，好user friendly 😂😂呢度既燒肉90%係無葉過既，所以食落更原汁原味！靚食材係唔需要甘多調味！睇見都肚餓！最愛食澳洲和牛肉眼！肉質嫩滑，好有牛味，食落有肉汁！但火喉一
餐廳座位闊落，坐得舒服！任食2.5小時，可以慢慢傾、慢慢坐！
先先上左海鮮拼盤！嘩！睇落樣樣都好肥美！好吸引！有鮑魚、螺、蠔、大蝦同喜之次！望落好新鮮！未燒已經留晒口水！
喜之次平時少食，好多肉。職員介紹話喜之次由深海捕上黎，因為壓力改變太大，所以只眼會甩左出黎，又長知識了！
喜之次肉質較實，深海上黎所以本身已咸咸地，唔洗再落鹽都好夠味。幾好肉，燒熟後好香，無物骨，yummy!!
大蝦用燒方式食，焦焦地，好香！蝦肉爽口彈牙，好新鮮
海鮮要多啲時間去燒，望住佢等既時候好漫長😂😂生蠔好肥美，鮑魚都好大只，好好肉！
刺身
好鮮甜！無腥味！平時唔太鍾意食魚刺身，驚腥，但呢度既油甘魚、吞拿魚都好新鮮，無腥海膽成板上，好甜！
燒肉有好多款選擇！
值得一讚係佢係每種肉上面都會放返名牌，等客人知道食緊咩肉，中意食既可以encore！
因為之前經驗係成日食完想叫返，但永遠叫唔返果款😂😂呢度做得好，好user friendly 😂😂
呢度既燒肉90%係無葉過既，所以食落更原汁原味！靚食材係唔需要甘多調味！
睇見都肚餓！
最愛食澳洲和牛肉眼！肉質嫩滑，好有牛味，食落有肉汁！但火喉一定要控制得好，咪好易焦。
雞肉腸都好好食，好入味！
除左肉類，仲可以order瓜菜，一如既往地新鮮。不過略嫌南瓜太薄片，好易燒乾，厚啲會更好！
飲品有好多選擇！post唔到甘多相俾大家睇😂除左飲品櫃既飲品外，仲有紅酒、白酒、梅酒、柚子酒、啤酒等！多到你唔信
甜品方面
甜品櫃有三款甜品，有綠茶芝士蛋糕、朱古力撻同木糠蛋糕。剩食左綠茶芝士蛋糕，綠茶味重，幾creamy。
雪糕有我最愛既movenpic ，三只味揀！好味！仲有榴櫣雪糕！😍😍又係我至愛！
呢度既食材新鮮高品質！好滿足，會再黎既餐廳！
张贴
