夢 (已結業)

食物擺盤精緻，好似藝術品一樣優雅迷人，令人食慾大振！鱆紅魚薄切味道甘甜清爽，口感紮實，配清香酸汁啫喱更加開胃，兩者味道匹配，令魚肉嘅鮮甜回甘。深海池魚肉質細緻鮮美，入口質感爽脆帶油份，味道鮮甜，口感十足。鯖魚味道清香，油脂豐富，入口肥而不膩，表面經火炙後更突顯魚嘅香味，齒頰留香！螢光魷魚脆筒脆筒係由幾種蔬菜整成，香脆可口，一啲都唔油膩，入面係螢光魷魚碎加飯，螢光魷魚鮮甜嘅味道出眾，飯帶有鹹香，滋味無窮。