Cosmos Restaurant & Bar (已結業)

假期前輕鬆一吓，今晚約左朋友去到尖沙咀寶勒巷(Cosmos Restaurant & Bar）餐廳設計好有氣氛，十分舒服，最重要就係享受到廚師用心製作的美味食物。煙三文魚玫瑰伴田園沙律，將肥美的三文魚捲成一朵玫瑰花，再伴上香甜的三文魚子、新鮮的沙律菜，令到成碟田園沙律，賣相十分美觀。板燒法國鵝肝伴牛柳配黑松露， 廚師將鵝肝同厚度十足的牛柳同時煎到外焦，而内面肉質保持嫩滑，仲好有肉汁，十分有水準。香煎帶子牛肝菌意大利飯，帶子夠厚身鮮甜，煎到剛好，意大利飯軟硬度適中，配上蘑菇同醬汁食起來時，十分香濃惹味。