和牛燒肉一郎 (荃灣廣場)

营业中

休息中

今日嚟到位於荃灣嘅日式燒肉放題餐廳【和牛燒肉一郎】。呢間餐廳嘅裝修好吸引到我哋，好有日本感，而且環境好舒適，食物選擇多。頭盤黎咗原隻魷魚筒，魷魚好新鮮，口感超彈牙，燒得香口，好鲜甜，真係食咗會上癮！呢度嘅海蝦超新鮮，肉質十分彈牙，蝦肉嘅鮮甜食到會令人難忘。青口鮮甜多汁，原味已經好好食，但如果再配上特製醬汁，味道更一流！💯而佢哋嘅黑毛和牛六款有肉眼、肩胛肉、一口牛、三角腹肉、牛肋肉、牛肋條，每一款都好正，肉質鮮嫩，應該係薄嘅就薄，但該厚就厚，油花分佈均勻，唔會吃到好油膩，所以如果燒得啱啱好，口感一流，令我哋食到好满足！仲有佢哋嘅味醂魚乾亦係必試之選，魚乾香脆，味醂嘅甜味滲透每一口，呢個有驚喜到我！同埋宮崎南蠻炸雞卷，雞肉外脆內嫩而且好多汁，配上特製南蠻醬同紫菜飯一齊食入口真係一流！呢間餐廳嘅每一款食物都係好高質素。如果你都鍾意食燒肉，我哋真心推薦「和牛燒肉一郎」，呢度会令你食到好滿足💚。