スーパー丼 (駱克道) (已結業)

放假到銅鑼灣四處遊蕩，下午茶時間有D餓，於是同朋友貢左入superdon，享受下魚生刺身嘅鮮味。飯係殿粉質，食左怕會肥，所以只敢嗌一個丼share😂😅 我地嗌左個海膽、大吞拿魚腩、三文魚籽丼，然後加三文魚腩。丼飯唔大碗，份量一般，但講明一定係用日本米，喺碗底翻起，確係粒粒分明。成碗飯最好味梗係D刺身啦。大吞拿魚腩肥美新鮮，入口滑嫩。海膽極其新鮮，零腥味 😋 三文魚籽粒粒鮮。另加既三文魚腩雖然得三片，但塊塊都成寸厚，單面切花，好睇得嚟更易入口 😋除此之外，仲嗌左脆炸廣島生蠔，真係好脆 😂 而最重要嘅係，蠔好新鮮，仲好大隻，啖啖鮮蠔好juicy，正。食飽仲坐左陣吹水。環境休閒風，幾舒服。得閒同朋友嚟食幾塊刺身，吹下水，好佗佻。