Bigger Burger Cafe (已結業)

係佐敦附近收工後，約了好友尋找美食，行到白加士街見到呢間Bigger Burger的門口裝潢精緻，餐廳的室內設計都別出心裁，好適合同朋友閒聊談心的好地方，然後沒有想太多就被門外大大份的漢堡照片吸引入咗去了。由於收工後都已經係八點半左右，所以非繁忙時間入去好快就有位坐，坐底後就發現連餐桌的設計也有獨特的歐陸風格，看得出店主的細心經營。叫左一個晚市超值套餐，係大蝦龍蝦汁意粉跟餐湯同蒜蓉包($88)，另外叫一份小食芝士焗蟹肉烤菇 (原價$78，跟餐叫可減$20)，另外要多杯餐飲橙汁只係加左$5，都算抵食! 大蝦新鮮，龍蝦汁既味道有香口的奶油味，飽肚感up! 芝士焗蟹肉烤菇都好juicy，煮法新穎獨特!另外不得不試餐廳的主打經典安格斯牛肉漢堡，特別巨型，比巨無霸還要大份! 一次切開個漢堡，啲牛肉汁就流晒出嚟，塊漢堡大概煎到七成熟，漢堡牛肉既厚度令人感到滿足，夾住新鮮生菜、蕃茄同洋蔥，令整個賣相都加哂分，食慾大增。呢個漢堡餐我地仲加多$25配黑松露薯條，好大份，薯條粗身香口，另外一贊的是服務員仲好貼心咁放左成枝蕃茄醬比我地享用。我想美式的慢生活應該就是如此簡單