影片
更多
2022-11-06
328 浏览
星期日唔洗返工，瞓到自然醒，同朋友嚟尖沙咀搵間餐廳 Chill 下，順便食個 Lazy Lunch，友人提議去麼地道呢間「Jagger」。原來呢間食肆好特別，日頭係 Café，而夜晚就會搖身一變成為酒吧餐廳，提供酒精飲料、多國菜美食及水煙等，絕對係同朋友歡度週末嘅完美聚會場所。餐廳分為多個唔同嘅區域，而今次我哋就揀左戶外座位，看起來猶如一片寧靜嘅綠洲，加上自然光線和郁鬱蔥蔥嘅植物，真係令人心曠神怡。我哋每人點左個 Set Lunch，全日早餐 ($148) 份量十足，而且用料好豐富，有牛角包、香腸、香辣雞扒、薯餅、沙律、粟米同太陽蛋。牛角包金黃香脆，食落酥皮好鬆化，散發住陣陣牛油香。雞扒外脆內 Juicy，肉質嫩滑，味道辣辣地，令人食慾大增。薯餅即炸，咬下脆口又唔油膩，好味，加埋隻燶邊太陽蛋，蛋味又香又濃，真係無得輸！另外呢客煙三文魚薄餅 ($88) 水準亦一流，三文魚好大塊，入口即溶，證明煙燻時間拿捏得十分準繩。Pizza 烘得啱啱好，餅底烤得脆薄香口又沒有過火，美味！飲品點左 Mango Yogurt Smoothie ($58)，賣相好吸引，芒果味很香濃，加上乳酪嘅微酸和幼滑
星期日唔洗返工，瞓到自然醒，同朋友嚟尖沙咀搵間餐廳 Chill 下，順便食個 Lazy Lunch，友人提議去麼地道呢間「Jagger」。
原來呢間食肆好特別，日頭係 Café，而夜晚就會搖身一變成為酒吧餐廳，提供酒精飲料、多國菜美食及水煙等，絕對係同朋友歡度週末嘅完美聚會場所。
餐廳分為多個唔同嘅區域，而今次我哋就揀左戶外座位，看起來猶如一片寧靜嘅綠洲，加上自然光線和郁鬱蔥蔥嘅植物，真係令人心曠神怡。
我哋每人點左個 Set Lunch，全日早餐 ($148) 份量十足，而且用料好豐富，有牛角包、香腸、香辣雞扒、薯餅、沙律、粟米同太陽蛋。
牛角包金黃香脆，食落酥皮好鬆化，散發住陣陣牛油香。雞扒外脆內 Juicy，肉質嫩滑，味道辣辣地，令人食慾大增。薯餅即炸，咬下脆口又唔油膩，好味，加埋隻燶邊太陽蛋，蛋味又香又濃，真係無得輸！
另外呢客煙三文魚薄餅 ($88) 水準亦一流，三文魚好大塊，入口即溶，證明煙燻時間拿捏得十分準繩。Pizza 烘得啱啱好，餅底烤得脆薄香口又沒有過火，美味！
飲品點左 Mango Yogurt Smoothie ($58)，賣相好吸引，芒果味很香濃，加上乳酪嘅微酸和幼滑嘅質感，非常醒胃，清香怡人。
另一杯 Grapefruit Jasmine Tea ($53) 外觀亦非常漂亮，呈迷人嘅橙紅色，紅柚味微微酸甜，茉莉花茶清香醇厚，入面仲有粒粒果肉，飲完好滿足❤️
已經同朋友約定下次再嚟試下餐廳嘅 Dinner。
张贴
