影片
更多
2010-03-30
34 浏览
是日, 大家來到銅鑼灣, 時間是3點幾, 剛好, 大自然素食於2點至5點時段. 推出所有menu上食品半價. 約了齋妹同佢表姐行街的. 三個人, 便上來, 當食late lunch. 其實一向覺得大自然幾貴的, 若不是有半價優惠, 應該不會無神神走上來. 而且, 佢既半價優惠的確非常吸引. 3點多的星期六, 全場full house. 而且亦講明, 廚房未必做得切, 尤其是壽司手卷, 要耐心的等. 3個人, 點了4個菜式, 港式, 日式, 意式, 連泰式都叫齊. 說明要等, 尤其是手卷同焗飯. 所以後來追加的意式同泰式先上. 而意式, 就是意大利雲吞. 即叫即焗的, 碟邊非常之辣手, 不要以為得個碟大, 冇乜野食. 其實扁扁平平的意大利雲吞, 所佔空間不多. 餡, 帶點綠色的, 有芋蓉味, 有點菜味. 非常之香口的一個食物. 之後是泰式, 來的是一個冬陰公湯. 湯渣非常之多. 而且椰香味好重. 酸酸的, 辣辣的, 椰汁香味. 感覺佢地做得幾正宗. 湯內的蕃茄更成為了三人必爭之物. 飲完好開胃.港式的代表, 是芋蓉焗豬扒飯. 豬扒, 當然是素扒啦. 口感煙韌的, 不過假的真不了. 仿肉雖
其實一向覺得大自然幾貴的, 若不是有半價優惠, 應該不會無神神走上來. 而且, 佢既半價優惠的確非常吸引. 3點多的星期六, 全場full house. 而且亦講明, 廚房未必做得切, 尤其是壽司手卷, 要耐心的等.
3個人, 點了4個菜式, 港式, 日式, 意式, 連泰式都叫齊. 說明要等, 尤其是手卷同焗飯. 所以後來追加的意式同泰式先上. 而意式, 就是意大利雲吞. 即叫即焗的, 碟邊非常之辣手, 不要以為得個碟大, 冇乜野食. 其實扁扁平平的意大利雲吞, 所佔空間不多. 餡, 帶點綠色的, 有芋蓉味, 有點菜味. 非常之香口的一個食物.
之後是泰式, 來的是一個冬陰公湯. 湯渣非常之多. 而且椰香味好重. 酸酸的, 辣辣的, 椰汁香味. 感覺佢地做得幾正宗. 湯內的蕃茄更成為了三人必爭之物. 飲完好開胃.
港式的代表, 是芋蓉焗豬扒飯. 豬扒, 當然是素扒啦. 口感煙韌的, 不過假的真不了. 仿肉雖形似, 但味絕對不似. 此焗飯, 芝士不算多, 但芋蓉帶出另一種香味香氣. 炒飯底又粒粒分明, 香口芋香焗炒飯. 怎能抗拒.
最後, 是遲來的牛油果卷飯. 手工雖好, 但味道一般. 用上素蟹柳條, 醃菜, 醃蘿蔔. 夾料算是不錯. 牛油果亦夠香. 大自然的日式素食小點, 一向都口碑不錯的. 若不是要等, 相信我們會要多幾份.
是次全是年青人去, 試到不同的fusion素食, 不同國家的新派素菜. 令我真正感到大自然的好. 下次, 再來時, 要試一試晚飯小菜了. 不過, 價錢就比下午茶時段費一半以上.
张贴
