El Portal (已結業)

夜晚在佐敦做完野，想搵野食，於是就上OpenRice，搵搵附近有天乜嘢特色美食，結果搵到間地中海特色菜。所以就跟地圖上去試一試。鋪頭雖然面積唔算大，但佈置有點酒吧餐廳感覺。中間擺放一個大屏幕，一直播放懷舊英文歌，而且又有一個酒櫃，擺著許多形形色色㗎酒。我睇左一吓Menu, 選了一個烤八爪魚伴豆泥，另外，叫多一隻法式蠔。原條八爪魚鬚烤過後，就在在豆泥上。烹調簡潔，盡量保持食材原味。而八爪魚鬚尚算圓大，食落好爽口彈牙。至於，生蠔都非常新鮮。我另外又叫左個希臘餃子，芝士加菠菜。味道同香港餃子好唔同。我坐了一陣，再向後面回望，原來已經有很多食客嚟幫襯。下次經過附近，你地都可以嚟試吓。