亞萊嘜嘜 (已結業)

由元朗開到去荃灣，新店開張總係要去下嘅，所以一發現就暗暗同自己講要去朝聖。


餐廳入口要搵一搵，原來响大家樂上一層。去嘅時間2點幾打算食下午茶啦，聽聞好抵食，可惜原來仲未開始哈哈！

海南雞冬蔭公湯金邊粉

冬蔭公湯金邊粉


份量大大碗，作為午餐好果腹，但湯底偏鹹，飲兩啖湯飲半杯水。但有細心位就係檸檬水，仲要係暖暖檸檬水。

海南雞

海南雞另上


啖啖肉無骨海南雞（雞翼有骨嘅）上菜速度唔錯，心急肚餓嘅朋友可以留意返😆

亞萊嘜嘜午餐餐牌

hkd44一份金邊粉午餐連熱飲，除左湯粉類，還有咖哩、喇沙等等唔錯選擇，有興嘅朋友可以試試其他。