亞當麵館 (已結業)

今晚嚟咗尖沙咀樂道搵嘢食，經過呢間亞當麵館，望落去好吸引，唔單止好多餸揀，而且價錢合理，果真冇失望☺️叫咗韭菜餸、秘製牛腩、豆卜加油麵，連埋佢個秘製辣汁中辣，好鬼正😙韭菜餃好足料，牛腩入味軟身，好香好味，油麵好爽口又掛汁🥰另外仲叫咗碗淨配菜冇麵，日本蘭王溏心蛋極邪惡，一啖食晒好正，雞翼入味，雞腎正常，蘿蔔清甜，車仔麵必叫😍唔少得加碟菜健康啲，加左腐乳通菜好爽脆，口感正😆小食叫咗咖喱魷魚同蒜蓉雞翼尖，咖喱魷魚好濃味，而且好爽口😙蒜蓉雞翼尖好夠辣，而且好入味，非常之腍身 🤩餐廳地點非常之就腳，坐嘅空間都闊落，而且上菜好快，最緊要係平靚正☺️