漁家海鮮大排檔 (已結業)

特意預訂了一隻2.5kg的亞拉斯加蟹，4人分食，真係食蟹食到飽。啖啖肉，大滿足！蟹腳實肉清甜，蟹身沾滿半溶化蟹膏，香濃豐腴，此為之真味。怪不得每一桌的客人都點一隻蟹，鄰桌食客更手握生蟹於食店門外拍照，然後將蟹作火鍋生料。食過新鮮蟹之後，酒店的凍蟹真係係我的食典中被列入黑名單，從此碰不得。同場加演豉油王鵝腸，爽脆肥美，坊間少見。難得上桌10分鐘以上依然彈牙，可見廚師對火喉掐得精準。新鮮食材才是食物質數關鍵。我廔試不少食店的鮮鵝腸加大量梳打粉或是雪鵝腸加梳打粉／哥士的以求達到脆口效果，簡直係本末倒置。蘿蔔牛腩，牛肉味香濃，蘿蔔軟淋，腩汁足以令每人再吃下半碗白飯。最後，每人再來金蒜粉絲蒸蟶虫旨一大隻，吃得過癮，太撐。無緣再吃東大街的甜品，唯有下次訂蟹火鍋的時候待續。