校長燒肉日韓料理 (沙咀道) (已結業)

諗住下午五點鐘冇咁多人，去到就算訂咗位都要先攞飛排隊， 提前五分鐘就可以被安排入座。其實以$118收費， 又唔會要求佢嘅肉類好有驚喜， 比較有印象嘅有秘製叉燒同雞扒。至於熟食，有個炸芋泥丸我覺得幾好食， 泡菜都ok。原來五點鐘時段雪糕櫃暫停，只有軟雪糕供應，時日有蜜瓜味同乳酪味軟雪糕，可配上不同小糖果， 例如有棉花糖和朱古力。 軟雪糕水份比較重，我前面個小朋友話呢杯唔係軟雪糕，似刨冰多啲， 我都有同感。飲品櫃選擇都唔少，有蜜桃梳打冇咁甜， 亦有酒精飲品可供選擇。