校長燒肉日韓料理 (西裕街)

营业中

休息中

有次老公話想食放題，大吃大喝，所以就同佢嚟咗呢間乜都有得食嘅校長燒肉放題，有得燒肉啦，亦都有得打邊爐啦，你鍾意食乜都得，因為佢哋又有壽司，又有刺身，有熟食，任君選擇，最緊要係位置坐得舒服，人流亦都唔太多，所以攞嘢食嘅時候都好舒服，唔會太迫，打邊爐嘅湯底有韓式辣湯，豬骨濃湯同埋壽喜燒湯底，肉類亦都多款俾你選擇，燒嘅肉又有，打邊爐嘅肉類都有，有醃料嘅又有冇醃料既都有，飲品亦都五花八門，有茶裏，有啤酒類，有汽水類，竟然最特別嘅係有中式點心俾你食👍🏻👍🏻👍🏻甜品雪糕亦都大把嚟揀，總之你講得出想食乜呢度都有，最重要係價錢非常之咁抵，任食兩小時，包你食到捧住個肚走，我同老公亦都覺得自己好似喺度食緊buffet咁，因為實在太多嘢食俾你揀🤣🤣🤣🤣