小甜谷 Dessert Kaffee (已結業)

早排上飲食男女見介紹新開小甜谷 Kaffee (其實 Kaffee 點解我都唔知，哈哈)，見佢話係由五星酒店大廚主理，除左甜品外仲有西餐主食，見個日出開銅鑼灣就同幾個朋友試下做白老鼠喇。可能岩岩開冇幾耐，唔駛等位，坐低後我地見其它食客都會落杯生果形既果汁，原來個 Waiter 話呢個係佢地既招牌果汁 Holy Fresh，見價錢唔算貴，咁我地就叫左杯試試，再加一渣果茶，然後睇 Menu，果汁味道好新鮮。意粉同意大利飯選擇都幾多，以海鮮為主，我地叫左一個海鮮帶子意粉同埋黑松露鵝肝意大利飯，三個人 Share，諗住留肚食甜品。首先黎個意大利飯，portion 比出面食開的份量多(有圖有真相)，黑松露味濃，同埋最緊要一樣野... 夠熱！ 出面好多意大利餐廳都有個共同問題就係唔夠熱，好 surprise 呢度冇呢個問題。有左第一個信心之後，海鮮帶子意粉都冇令人失望，味道濃淡適中，海鮮份量比正常多，值得加許！食完兩個主菜已經飽飽地，不過飲食男女介紹個 Sofu 法式西多係招牌菜，冇理由唔試。嘩，未見過咁邪惡的法式西多，西多本身應該經過特別處理，再焗過表層，同埋配一個特別的花生醬同雪糕，口感特別，