影片
更多
2020-10-09
999 浏览
❀ Cafe Gray Deluxe #金鐘 ❀❗️五星級酒店Upper House英式下午茶 強勢同茶家合作❗️——————————————————生日同朋友慶祝嚟到位於金鐘嘅呢間五星級酒店Upper House奕居✨單單係入去大堂嗰條電梯已經感覺奢華、有處於異度空間嘅感覺😳。今次嚟到佢哋嘅餐廳，位於49樓，遠眺整個維港景色，裝修貫徹高貴大方以金色為主調，大部份都係窗口位而且有梳化坐 (不過聽聞request咗都唔一定有)，感覺開陽舒適😚。.由而家起至到11月30號 15:30-17:30，佢哋更加同香港本地品牌「茶家」強勢合作，推出以茶為主題嘅下午茶🍵。「茶家」係位於上環一間以茶為主題嘅Cafe，經常佈滿人流，曾經到訪都覺得食物唔錯，依家佢哋仲喺Upper House嘅大堂有Pop-up Store添💕呢個創新嘅合作成功吸引左唔少人，而且味道真係幾唔錯，絕對唔係淨係得個樣，推薦一試！.✷𝑀𝑒𝓃𝓊✷☞ Teakha x Cafe Gray Deluxe Afternoon Tea Set $285/1 $480/2呢個價錢對於可以係五星級酒店食下午茶來講都算幾抵👍🏻而且一共有四款鹹點、四
❗️五星級酒店Upper House英式下午茶 強勢同茶家合作❗️
——————————————————
生日同朋友慶祝嚟到位於金鐘嘅呢間五星級酒店Upper House奕居✨單單係入去大堂嗰條電梯已經感覺奢華、有處於異度空間嘅感覺😳。今次嚟到佢哋嘅餐廳，位於49樓，遠眺整個維港景色，裝修貫徹高貴大方以金色為主調，大部份都係窗口位而且有梳化坐 (不過聽聞request咗都唔一定有)，感覺開陽舒適😚。
.
由而家起至到11月30號 15:30-17:30，佢哋更加同香港本地品牌「茶家」強勢合作，推出以茶為主題嘅下午茶🍵。「茶家」係位於上環一間以茶為主題嘅Cafe，經常佈滿人流，曾經到訪都覺得食物唔錯，依家佢哋仲喺Upper House嘅大堂有Pop-up Store添💕呢個創新嘅合作成功吸引左唔少人，而且味道真係幾唔錯，絕對唔係淨係得個樣，推薦一試！
.
✷𝑀𝑒𝓃𝓊✷
☞ Teakha x Cafe Gray Deluxe Afternoon Tea Set $285/1 $480/2
呢個價錢對於可以係五星級酒店食下午茶來講都算幾抵👍🏻而且一共有四款鹹點、四款甜點、鬆餅、同埋兩壺茶。
Teakha x Cafe Gray Deluxe Afternoon Tea
$480
157 浏览
1 赞好
0 留言
Teakha x Cafe Gray Deluxe Afternoon Tea
$480
89 浏览
0 赞好
0 留言
Teakha x Cafe Gray Deluxe Afternoon Tea
$480
604 浏览
2 赞好
0 留言
♥ 鹹點Savories
每款鹹點都精心製作，見唔到一啲非常之頹嘅三文治夾青瓜🤭欣賞佢哋個餅底全部都唔同，各有特色，係我有印象中以來最好食嘅鹹點！
由左至右：
香而不辣嘅咖喱椰菜花，用兩層炸脆嘅酥餅夾住
花燻三文魚配Guinness bread，麵包底非常獨特，有種消化餅嘅香氣，但又唔係脆
無花果羊奶米餅，好creamy，羶味超重，未必個個鍾意，但絕對係我嘅最愛！
意大利肉醬青椒撻，酸甜香辣，配上硬脆牛油果撻皮，幾惹味！
Teakha x Cafe Gray Deluxe Afternoon Tea
$480
157 浏览
0 赞好
0 留言
♥ 甜點Sweets
甜點款式就較為經典，但依然貫徹高水準😋！
由上而下、左至右：
洋甘菊香提奶酪，味道酸甜清爽，內裏有一粒粒爽口又甜嘅提子，同埋順滑嘅奶酪一齊食，幾有驚喜！
抹茶巴斯克cheesecake，絕對係「茶家」嘅招牌，亦係成個下午茶茶味最明顯嘅一款。口感creamy，但略嫌苦左少少，蓋過咗抹茶本身嘅香氣，相對失望。
牛奶朱古力慕絲，內裏仲要多一層酸甜類似lemon curd嘅layer，味道更為豐富！
栗子泡芙，泡芙非常輕盈，內裏嘅栗子忌廉好細滑又rich，不過栗子味就唔重，所以唔鍾意栗子嘅我都接受到。
Teakha x Cafe Gray Deluxe Afternoon Tea
$480
180 浏览
0 赞好
0 留言
♥鬆餅Scone
聲稱係薑味鬆餅，不過除咗有幾粒薑粒係入面之外，完全品嚐唔到薑嘅香氣，本身嘅牛油香亦唔重，味道麻麻地🙈好在都算鬆化，配埋佢自家製嘅紅莓果醬、蜜糖、經典clotted，比起佢出色嘅鹹甜點就差得多。
.
♥ 茶 Tea
可以選擇「茶家」 嘅茶 / Jing tea/ Illy tea。
一場嚟到都係要飲返「茶家」 嘅茶，仲要有三款選擇：Masala Chai, Keemun rose, Apple blossom verbena。
選擇咗後者嗰兩款，皆配有特製糖漿🍯。
Keemun rose係配上一個夢幻粉紅色嘅玫瑰糖漿，Apple blossom verbena就配肉桂糖漿，兩者各有特色，各有自己獨特嘅花香，亦有糖漿帶嚟不同嘅甜味，非常好飲好特別！
Teakha x Cafe Gray Deluxe Afternoon Tea
$480
61 浏览
1 赞好
0 留言
Teakha x Cafe Gray Deluxe Afternoon Tea
$480
144 浏览
0 赞好
0 留言
——————————————————
☞ Teakha x Cafe Gray Deluxe Afternoon Tea Set $285/1 $480/2
味道: 4.5/5 性價比: 4.5/5
.
整體來講，呢個下午茶嘅性價比真係好高，絕對唔係得個樣嗰啲👍🏻佢哋每件食物都製作精美(唯獨係scone爭少少)，再配埋呢個無敵嘅海景，同埋高貴奢華嘅裝修，都幾抵🥰！
不過當日某幾位店員嘅服務質素就真係一般般🙈即使幫我哋點上蠟燭都冇講個句生日快樂，而且幫我哋收走食物之前亦冇問過一聲，詢問有關餐牌嘅資訊嘅時候亦支支吾吾，以五星級酒店餐廳嘅服務來講就唔係幾達標。但撇除服務，食物同環境質素就真係幾高，對服務要求唔高嘅話絕對可以一試🥳！
张贴
