沙田凱悅酒店咖啡廳

营业中

休息中

老公要離港辦事一兩個星期，臨飛先突然話要陪阿仔食好d, 毫無準備下就是但walk in 左沙田hyatt。幾年前食過一次，覺得食品穩陣，長腳蟹好味，打算回味當年。晚市自助餐由6:00-10:00，但我地收工去到都8:00， 好再佢地refill得好密。先食冷盤同海鮮類，今次長腳蟹就略為遜色，無之前咁新鮮，反而波士頓龍蝦好鮮甜，蝦膏味濃鮮味！食過好多間自助餐如山卡啦，Conrad 都無今次的咁好，呢樣係全晚焦點！另魚生區就要了甜蝦，帶子同三文魚。質素只屬一般貨色，只食左一轉。B仔主要食熱葷區的雜菜炒蝦球，西班牙蛋菜餅同甜品。另一回本區應該係貴價食材，炆花膠同大海蔘，花膠膠質上乘，味道清淡可食出真正的花膠味道，可惜放涼了會有少少䐳味。海蔘用上貴價珠婆蔘，當年坐月食唔少，女仕恩物。甜品區有哈根大師雪糕，約九款選擇。其他蛋糕類無乜特別。埋單銀聯白金咭有八九折，兩位大人折實共$1200。這個價格的buffet,不少比呢間做得更出色，選舉更多。不過沙田區已經叫最好。