真妮 (已結業)

今日早收工無煮飯，就約個閨蜜去將軍澳搵食，黎到呢個餐廳，服務員十分熱情，就忍唔住入去試下，一試就愛上了。首先我地點左個二人餐。Tera二人餐。我地選左當煙肉蛋再愛上蛋牛肉漢堡，煎蛋同煙肉配合得天衣無縫。味道十分好，我個人十分喜愛。隨餐再選左芝士焗薯條（和風），薯條炸到金黃色真係好香脆，點咪醬食簡直係人生最佳享受。鐘意食薯條既朋友仔一定會愛上。小食方面就選左吉列蠔，呢款都係唔錯，外脆內軟，真係好可口。又唔會好油膩，世界級享受。最後pizza就選左千島海鮮比薩，我十分喜愛食千島醬，個皮好薄好香脆。食到非常滿足。飲品方面就選左柚子沙冰，酸酸甜甜咁十分止渴，沙冰好幼細非常有口感。另一杯係士多畔梨沙冰，呢款都係甜甜地容易入口，沙冰入口即溶，人間享受。