五斗米 (厚和街) (已結業)

五斗米為食既友人帶我來堅尼地城食牛肉麵。係地鐵站走出來都要行一段時間。為左搵食，無計！上回講到春水堂既牛肉麵好貴，今次係堅離地食返 d 貼地野。60 蚊一個麵，無加一，係疫情環境之下都叫既抵。一離開 d 核心地區，d 野就平返曬。間舖頭細細間得幾張台，可能中午食飯時間，係無咩人，不過佢地個外賣機就不斷響，睇來都幾好生意。講完廢話，講食咩。今日我叫左個麻辣牛肉麵，我鍾意食辣，個人喜好。每間牛肉麵都係架啦，最好係飲啖湯先，好香牛肉味，你會食到有層次既牛肉湯。我最後飲曬，但會覺得有少少口渴。牛肉非常淋！呢度係係用牛肋條做麵，係牛腩部份，搭單有少少肥。我本人食得辣，所以覺得麻辣都唔洗好辣。友人介紹話要食腸，就算便要一條。哇！不得了！配埋 d 好似蒜蓉既 object，真係好好食，係真心推介！無叫野飲。埋單兩個人 165，比起銅鑼灣，我會揀呢間多 d！外面可以泊車，但係要𥄫住。