決定二訪miluthai 試下其他未食過嘅款式😙
原來除咗上次去嘅銅鑼灣店外
尖沙咀都有分店 可以唔洗過海慳返啲車錢😆
.
🍴火焰燒雞 $208
上次試咗火山排骨 今次當然唔少得
要試埋呢款 同為店鋪招牌嘅人氣菜式🤓
上枱後店員就會灑酒點火 記得準備好手機
唔好錯過影低呢隻烈火燒雞嘅最佳timing📸
食落外皮脆口 入面雞肉則保持嫩滑
有醬汁配搭 但就咁食已經夠哂焦香好味😋
.
🍴爆炸炒·泰式大頭蝦 $268
好奇唔知咩係爆炸炒 所以叫黎試下
如果中意食香口惹味嘅 呢個煮法啱你啦😌
落咗大量炸到卜卜脆嘅配料同香料
同大頭蝦一齊爆炒 夠晒鑊氣又入味🔥
.
🍴鮮檸檬肉碎·泰式明爐烏頭魚 $208
食得辣嘅朋友 另有青檸酸辣可以選擇
檸檬嘅酸爽感 喺咁熱嘅夏天真係特別開胃🍋
明爐保持溫度 可以慢慢品嘗唔怕變凍變腥
烏頭魚鮮甜肉厚 與檸檬配搭後鮮味更出🥰
.
🍴青胡椒辣椒膏·泰式炒蜆 $178
上次試過咖喱 今次又試下換個煮法
青胡椒辣椒膏口味 比意料之中更辣🌶️
一路食一路feel到個嘴唇邊有種刺激感
但又唔會話辣到放唔入口 反而越食越過癮🫣
.
過左一排再食 估唔到尖沙咀店都一樣咁出色
希望下次再食一樣保持到咁高質🤩
