616燒肉酒場 (已結業)

616除左火鍋店之外, 其實仲有一間位於大圍嘅燒肉店, 車車幾年前同朋友聖誕節嚟食過覺得不錯, 早排有朋友又話想再食多次於是就book左今晚過嚟食! 店內嘅裝潢仍舊好有日本居酒屋嘅感覺, 不過可能因為疫情關係所以同之前嘅格局有少少唔同左, 但坐得幾舒服, 餐廳提供左幾款燒肉套餐亦可以以單點形式選擇食物, E到除左有燒肉食之外, 仲有壽司／刺身／炸物／前菜／沙律/炒飯等等, 飲品亦有清酒／果酒／梅酒／啤酒 ✨️刺身五點盛刺身拼盤嘅刺身件件都超厚切, 新鮮肥美, 估唔到食燒肉嘅鋪頭係刺身方面都做得幾出色 ✨️烤牛肉凱撒沙律沙律菜新鮮爽脆, 烤牛肉質感軟嫩, 加埋沙律汁十分開胃 ✨️黑毛和牛西冷薄燒／鹽燒黑毛和牛肉眼上蓋／汁燒澳洲和牛橫隔膜／汁燒極上封門柳店員為我地推介左E四款肉, 整體脂肪比例唔錯, 牛味濃郁, 口感軟腍, 車車特別喜歡和牛西冷薄燒, 油脂甘香, 配上一口飯同蛋汁, 口感豐富, 感到幸福滿滿嘅感覺🥰, 中意脂感重嘅朋友不妨試下 ✨️蒜香牛油雜菌食燒肉點少得雜菇! 入邊有多款新鮮菇菇, 簡單配蒜蓉牛油已經好惹味 ✨️櫻花蝦和牛炒飯車車夜晚點都要有澱粉質落肚, 所以朋友就揀左和牛炒飯一齊