影片
更多
2022-07-16
597 浏览
二訪呢間韓式澡堂主題餐廳，地方唔算太大，但都有少量打卡位，例如彷澡堂嘅座位同掛有花灑擺設嘅牆身。生菜包豬肉配自家製醬汁 $248當日點選咗2人份嘅生菜包豬肉同晚市部隊鍋套餐，除咗有生菜，同時附有紫蘇葉，個人就鍾意紫蘇葉多啲，容易包裹住豬肉同醃漬辣蘿蔔，相較生菜亦無咁易fing到啲水周圍都係。味道上大家唔使驚紫蘇葉香氣過濃，豬肉同辣醬會中和其香味。豬肉蘸上辣醬唔會顯得過份刺激，只有提香作用，加上辣蘿蔔都好易入口，食落幾清爽。晚市部隊鍋套餐 $468套餐包括雪花芝士炸雞半份、韓式牛肉部隊鍋、自選口味牛角包窩夫同兩杯自選特飲，感覺幾抵食。今次主要先講炸雞同部隊鍋，前者都係可以自選多款口味嘅半份炸雞，後者就可選豬肉或牛肉。由於當日仲有生菜包豬肉，部隊鍋就試吓食返牛肉。當中有鋪上芝士嘅公仔麵、金針菇、厚切午餐肉、茄汁豆、魚糕連腸仔串、牛肉片等。整體麵幾飽肚，屬於不過不失嘅晚餐之選，牛肉嘅肉香再濃啲就更好。年糕浸太耐會過腍，建議大家盡快享用。半份炸雞點咗之前試過嘅雪花芝士味，個人真係好鍾情呢種帶甜度嘅芝士粉味，夾埋鹹香嘅韓式炸雞又好夾。今次食感覺炸得柴身少少，不過肉質都尚算唔錯。套餐仲包括一款自選
生菜包豬肉配自家製醬汁 $248
當日點選咗2人份嘅生菜包豬肉同晚市部隊鍋套餐，除咗有生菜，同時附有紫蘇葉，個人就鍾意紫蘇葉多啲，容易包裹住豬肉同醃漬辣蘿蔔，相較生菜亦無咁易fing到啲水周圍都係。
味道上大家唔使驚紫蘇葉香氣過濃，豬肉同辣醬會中和其香味。豬肉蘸上辣醬唔會顯得過份刺激，只有提香作用，加上辣蘿蔔都好易入口，食落幾清爽。
晚市部隊鍋套餐 $468
套餐包括雪花芝士炸雞半份、韓式牛肉部隊鍋、自選口味牛角包窩夫同兩杯自選特飲，感覺幾抵食。今次主要先講炸雞同部隊鍋，前者都係可以自選多款口味嘅半份炸雞，後者就可選豬肉或牛肉。
由於當日仲有生菜包豬肉，部隊鍋就試吓食返牛肉。當中有鋪上芝士嘅公仔麵、金針菇、厚切午餐肉、茄汁豆、魚糕連腸仔串、牛肉片等。
整體麵幾飽肚，屬於不過不失嘅晚餐之選，牛肉嘅肉香再濃啲就更好。年糕浸太耐會過腍，建議大家盡快享用。
半份炸雞點咗之前試過嘅雪花芝士味，個人真係好鍾情呢種帶甜度嘅芝士粉味，夾埋鹹香嘅韓式炸雞又好夾。今次食感覺炸得柴身少少，不過肉質都尚算唔錯。
套餐仲包括一款自選口味嘅牛角包窩夫同兩杯特飲，當日揀咗提拉米蘇，特飲就揀咗香檳葡萄梳打特飲同士多啤梨香橙梳打。
第一次試呢間餐廳食過鹹食版牛角窩夫，個陣已經覺得唔錯，原來甜食版更勝一籌。牛角窩夫面層加上Tiramisu，忌廉質感偏稀身同易融，但味道唔膩唔死甜，可以凍返啲同結實啲就更好。
窩夫嘅牛油香依舊濃郁，配搭微澀嘅咖啡粉令人滿足。
至於香檳葡萄梳打特飲同士多啤梨香橙梳打都好適合打卡，前者味道較清淡，似提子雪條味；後者杯邊綴以乾橙片，底層有一圈士多啤梨蓉，形成巧妙嘅漸層效果，拌勻後味道有啲似雜果賓治，但甜度較低。
张贴
