驚艷我嘅係朋友點嘅呢碟risotto，原來黃金係指鹹蛋黃！個配搭係match同埋鹹蛋黃超足料好夠味但又唔會搶晒成個飯嘅味道，食¼已經會覺得飽肚，但又忍唔住停一停又會食晒😂 蟹蓋入邊全部都係蟹肉，正！
黑松露軟殼蟹意大利粉set $138
軟殼蟹炸得好脆又大隻，黑松露超香，意大利粉al dente，依舊出色👍🏻
開心果麻糬提拉米蘇(+$48)
上次都叫過，keep到水準，開心果cream+開心果碎好出，會遮咗少少Tiramisu嘅味道，但都會食到Tiramisu個質感好濕潤同埋咖啡嘅香味。btw, 開心果碎多到我唔想咬，淨係想食Cream🤣🤣
然後！可能因為我同朋友坐到差唔多收舖？佢哋送咗個朱古力蛋糕俾我哋食！好開心！原本已經話食到好飽，不過好彩甜品係第二個胃，點都食埋落去！上面嘅朱古力粒同埋cream有好濃郁嘅朱古力味，但有戚風平衡返，所以唔會超甜。有得揀我會揀佢多過牛角窩夫（因為我鍾意食甜食多啲🤤）鍾意朱古力嘅人可以叫😌
最後，店員好Nice ！雖然我哋book咗枱，但係朋友OT會遲到，又唔知幾點先嚟到，打咗電話通知佢哋之後，店員幫手諗方法，最後到左等咗一陣就可以入去，感謝🫶
