日月堂

营业中

休息中

✨又再來到觀塘呢間台菜小店，簡直覺得有去咗台灣既親切感🥰呢度真係被我同阿女封為香港小台灣啦🤣阿女上次食過咗讚不絕口，一直心心念念想再來，所以我地今朝等佢完成功課後，馬上出發！🚀😆今次女女點咗清燉牛肉麵，牛肉嫩滑得嚟，湯底清爽又不失濃郁，配上新竹米粉，吸滿湯汁，好味冇得頂😋！我今次試咗牛三寶麵：牛腱肉，牛筋，牛肋條配合得天衣無縫，好味得舍不得停筷🤤❤️我最鍾意牛筋，香滑軟腍腍又唔騷！一定要推薦大家食起司肉鬆蛋捲餅！份量剛好，裡面嘅cheese同肉鬆鹹香交織，蛋香味濃👍外面微脆，咬開勁多芝士肉鬆🤩正！飲品我揀咗凍蜂蜜綠茶+愛玉凍，簡直係夏日甜美救星，清甜解渴天然味道，加上愛玉凍嘅滑溜口感，幸福感Up Up！女女就飲熱冬瓜茶+蜂蜜蘆薈，甜而不膩，佢話勁勁勁好飲😆總結：二訪愈來愈愛，小台灣風情餐廳，好食又好坐🥰性價比真係冇得輸，每次都令人滿足，二訪完我都諗住再三訪喇❤️✨#食評 #二次推介 #觀塘必食