相馬日式火鍋 (已結業)

之前已經食過一次，呢間相馬暫時係我係港島食過最高質既日式火鍋放題店，除左火鍋必食既肉類，仲有新鮮蔬菜同丸丸，仲有多款小食，食到捧住個肚走，今次再同朋友一齊食。🧃豬骨湯底 + 清湯 /呢度係一人一鍋，可以揀選自己最想食既湯底，我同朋友唔食得辣又唔想兩個都揀哂清湯，最後我地一個揀左豬骨湯，另一個揀左清湯，湯底好夠味，偷偷地放左啲配料落去熬湯，我哋不斷加湯滾湯飲，飲唔停口。/🧃美國特選級牛肩胛果然係主打靚牛肉放題，牛肩胛牛味適中，油花較少，肉質最為軟滑，高質。/🧃日本鹿兒島黑豚肉日本豚肉食落口比美國豚肉林身，煮耐左都唔會話好硬好鞋口，油脂分布啱啱好，食得多都唔會膩。/🧃炸物拼盤炸物拼盤都有多款炸物，有蝦多士、吉列蝦同米網蝦春卷等等，炸得勁香脆，調味粉好合我口味，食完一件接一件冇停口，正/🧃七味雞翼有齊七個唔同口味既單骨雞翼，總有一款岩心水，我自己最鐘意就係食蒜蓉牛油雞翼同土匪雞翼，好惹味!/🧃燒菠蘿估唔到呢度連燒菠蘿都有，菠蘿好甜又多汁，勁好食！