櫻田日本餐廳

櫻田係沙田區元組高級鐵板燒嘅代表，今個季節新Menu提供宮崎A5和牛御膳套餐，搭配新鮮海鮮，透過傳統鐵板技法，滿足視覺同味覺嘅體驗。餐廳用上獲獎宮崎A5和牛，肉質細緻，脂肪同瘦肉比例適中，口感極為細膩。和牛‧乳龍蝦御膳 (二人前)前菜三色藜麥海老沙律彈牙鮮蝦搭配健康藜麥，淋上和風番茄汁，清爽口感令人胃口大開!宮崎雞肉素菜卷嚴選宮崎地雞肉包裹時令蔬菜，搭配濃郁滑溜既匈牙利鴨肝醬，層次分明。牡丹蝦刺身肉質晶瑩剔透，入口彈牙鮮甜，伴隨夢幻煙霧呈現，師傅會將蝦頭炸完再送上，香脆可口。主菜乳龍蝦天婦羅金黃酥脆外皮，搭配龍蝦膏同鮮牛油醬汁，突顯龍蝦鮮甜層次！甘鯛立鱗燒師傅高溫烘烤魚鱗，形成酥脆外層，內裡魚肉紮實，搭配羊肚菌同柚子豆乳湯，味道鮮香。宮崎A5和牛可以選擇厚燒或者薄燒，厚燒啖啖肉，建議沾少許Wasabi同夾住蒜片享用，油脂味突出。個人喜歡薄燒多啲，油脂分布平均既和牛片包裹着炸蒜同香蔥，口感同味道豐富，好回味😋山椒魚苗山葵炒飯師傅用鐵板快炒飯粒分明，山葵醬微辛口感、炒飯帶鹹鮮味，我食晒成碗😆雪葩原個水果雪葩呈上，味道清新甜美，完美清除油膩感！