MONMONO (已結業)

無耐前先食左一次，本身無諗過咁快再食，但路過餐廳門口時見到轉左lunch menu，見到仲吸引過上次，所以決定翻兜多次呢間餐廳。意式悠閑午餐碟 $108（醃三文魚，雞胸，地中海烤什菜，煙燻火腿，凱撒沙律，香草包）一見到就覺得好吸引好豐富，感覺好all day breakfast，超鍾意食all day😍點餐時仲以為上枱的會係一隻大碟，完全無諗過會係咁大塊砧板上，份量好大份，呢個價錢性價比極高🥰醃三文魚食落少少鹹，充滿香草味，但又唔會蓋過三文魚本身的味道。雞胸好嫩好juicy，唔會好乾好柴。地中海烤什菜應該係烤翠肉瓜，食落好多汁，唔會有瓜的澀味。煙燻火腿味道唔鹹，亦好柔軟，唔會好乾身，同麵包一齊食好好食。凱撒沙律的沙律菜好新鮮，沙律醬都好惹味。香草包烤得外脆內軟，香草味好濃，配三文魚同火腿都好夾。跟餐沙律 烤鳳尾蝦木瓜沙律 伴 香檸酸甜汁蝦肉非常爽口彈牙，木瓜沙律食落好有泰式風味，又係有少少酸酸辣辣的味道，菜都好新鮮。加配 炸薯條配黑松露醬（細） $38又係呃人嘅，寫明(細)，結果勁大兜，又俾人呃左🤣薯條炸得好香脆，條條都蘸左黑松露醬，聞落好香，仲跟埋茄汁同酸忌廉，一兜薯條都可以食到幾種