泰誇張

营业中

休息中

第二次到訪「泰誇張」，環境乾淨、充滿泰式風味，交通方便，氣氛悠閒。相比一般泰國菜，呢度款式多元，除咗經典菜式，仲有特色沙律、燒雞、海鮮湯等，選擇多啲，食得更有驚喜！😋🍛🥣 Poh Tak 辣酸海鮮湯湯底酸辣味道好突出，飲一啖已經感覺到泰式風味。海鮮配料新鮮，湯裡面仲有啲香茅、辣椒、檸檬葉，層次豐富，好啱鐘意重口味嘅朋友。份量雖然係小，但味道好「醒神」。🥗 泰式辣豬頸肉🐷豬頸肉好滑同彈牙，唔會嚡口，香料味同酸辣醬汁配合得唔錯。開胃又唔膩。份量啱兩個人分。🍗 泰式燒雞半隻燒雞，皮脆肉嫩，香料滲入雞肉內，唔會太乾。食落有明顯泰式烤香味，仲帶少少甜味，啱晒唔太食辣嘅人。配埋酸辣醬，味道更升級。好食👍🏼🍤🍚 蝦粒炒飯炒飯份量足，蝦算新鮮彈牙。飯炒得粒粒分明，唔油唔膩。加咗啲蔥花同蛋，香味更突出。炒飯本身唔算好重調味，可以加桌面嘅辣椒醬一齊食。🧋 泰式奶茶奶茶味道濃郁，味道偏甜，但茶味不錯。飲落奶香同茶香好balance。用嚟配泰國菜正好可以解辣又消滯。