富盈火鍋雞煲專門店 (已結業)

屋企人想打邊爐，大家口感都不同，又要平靚正，上網搵了好耐終於比我搵到間旺角又有雞煲又可以打邊壚，仲有得韓燒的餐廳。餐廳有些小食供應，多以炸物為主，味道都不錯，refill又夠快。因為屋企人有兩聲咳，所以就無食雞煲，要了個椰子雞鍋，鍋內已經有半隻雞，雞肉一滾就食得，十分嫩滑。其他火鍋配料都是在外面自己任夾任食，有些海鮮、丸類、肥牛、豬腩及多款蔬菜，食物質素都在合理水平，肥牛都唔會好肥膩。韓燒方面，多款醃過的豬牛雞放在外面自取，款式很多，還有多春魚、魷魚等等，肉類都醃得很入味，帶點甜香，店員會自動自覺換油紙，服務周到。最後當然唔少得甜品啦，有大牌子雪糕及泡芙等。