合華咖啡小食

要趕返工,又未食飯,論快捷呢度可以話高速.
快餐基本上每日都係果幾款,係得A餐會每日改改.
豬扒火腿飯(蒜蓉汁) : 先上檯係紅蘿蔔湯,雖然係例湯,但今日幾乾燥下,飲碗湯潤一潤都可以既,至於豬扒火腿由落單到係我面前,前後唔夠五分鐘,快到吖!
豬扒跟火腿各一塊,上面淋上稠稠的蒜蓉汁,豬扒當然地是雪貨,因為無乜肉味,而且煎到過火,死實實,至於火腿好大路,蒜汁幾香,但個人唔太喜歡太杰茨汁,都唔知食飯定食汁.
凍檸檬茶都係加一蚊,又真係好相宜,坐低食完走,二十分鐘之內完成,趕時間真係一流.