OMG Chicken (已結業)

呢間韓國菜係位於將軍澳海旁附近，喺將軍澳Donki直入條巷入面就搵到！依家肯定係我嘅回頭之選！ ！ ！因為真係好抵食！今次去試左佢哋嘅二人餐($278)，啲嘢食份量真係好多，多到我同朋友兩個人都食唔晒，要打包返屋企再食！呢個二人餐裏面包括有一個沙律、六件雞(可自選口味)、一個9吋Pizza(可自選口味)、一款小食(蒜蓉包/薯條/洋蔥圈)、2杯飲品。我特別想推介係我揀咗嘅巴馬火腿Pizza & 蜜糖芥末烤雞，真係不得了🤤 Pizza嗰邊好口厚，然後個底好薄，蕃茄醬、芝士、巴馬火腿同火箭菜真係夾得好好食，真係配合得好好🤩估唔到咁簡單嘅配搭都可以做出一個食到唔停口嘅pizza🍕另外個蜜糖芥末烤雞一上菜就香到呢~我同朋友聞到咁香到即刻對望，啲雞肉好滑唔再講，仲有個蜜糖芥茉漿包實每一件雞，完全唔會覺得漏，店員仲驚死你唔夠，額外仲會有一碟蜜糖芥末醬比你點，我而家諗起都流哂口水🤤原味薯條就正常發揮👍🏻👍🏻👍🏻我覺得呢個二人餐份量就算三個人食都可以😜其實將軍澳真係有好多好嘢食，快啲過嚟試吓啦！