Pizza Pan

营业中

休息中

今晚又過嚟愛琴坊搵食，貪佢嘢食款式夠晒多。今次嚟食pizza,見到佢有個$148既二人餐，真係幾抵食。✨呢邊座位嘅牆身仲好靚好特別～坐得幾舒服。✨雞翼有四隻，焗得啱啱好，食落嫩滑多汁。✨三文魚蘆筍忌廉汁長通粉：個忌廉汁幾香食落唔會好杰好漏，BB露筍夠爽脆。煙三文魚味道偏鹹，不過撈勻落個長通粉度食就幾好味。✨海蝦紫蘇彩椒pizza: 呢個Pizza味道唔會太濃，加咗紫蘇葉都幾特別， 芝士味好香，批邊仲好夠脆。✨焗肉醬千層麵：面頭嘅芝士真係勁厚，食落軟綿綿，鍾意食芝士嘅朋友啱晒。 個肉醬茄味濃郁juicy, 整體來講都幾好食，不過就最好同朋友一齊share，因為真係超飽。