影片
更多
2022-07-02
1335 浏览
2022年6月21日 星期二今晚難得可以同老婆兩個人撐枱腳慶祝拍拖周年紀念，一於走遠少少去石門搵野食黎到呢間餐廳，知道鋸扒好出名，尖沙咀都有分店，已經好耐無食，所以決定入去試下坐低左再睇返餐牌，發現原來除咗鐵板餐之外，仲有泰式菜、中式小菜，甚至乳鴿都得食，價錢都唔算太貴，最後我哋當然每人食一個鐵板餐一點完餐，店員就送上羅宋湯同餐包，羅宋湯好夠味，有好多配料，雜菜都煮得好腍，不過有少少辣，而餐包就熱辣辣，一放牛油入去已經即刻融晒，咬落好軟熟之後飲品就隨後送到，我哋點左紅豆冰，紅豆差唔多佔咗成個杯嘅三分之一，紅豆煮得好腍，而且起晒沙，食落去唔算太甜，不過成杯紅豆沙夠晒冰凍跟住老婆叫嘅鐵板一口牛柳粒就到，上面仲有兩舊炸蟹肉餅同好多炸薯角，食完之後勁飽，牛柳粒好腍，一啲都唔韌，而且份量都好多，蟹肉餅同薯角就炸得好香脆，感覺唔算太油至於我就要左招牌美國肉眼扒，嚟到嘅時候真係嚇咗我一跳，冇諗到成塊扒會咁大塊，仲大過我塊面，而且都有一定既厚度，由於我要咗五成熟，所以切開嘅時候仍然會有少少血汁流出嚟，不過唔算太多，肉質比較有咬口同肉味好濃郁，無乜筋所以食落啖啖肉最後我哋仲叫咗兩隻乳鴿，因為優惠價$75
今晚難得可以同老婆兩個人撐枱腳慶祝拍拖周年紀念，一於走遠少少去石門搵野食
黎到呢間餐廳，知道鋸扒好出名，尖沙咀都有分店，已經好耐無食，所以決定入去試下
坐低左再睇返餐牌，發現原來除咗鐵板餐之外，仲有泰式菜、中式小菜，甚至乳鴿都得食，價錢都唔算太貴，最後我哋當然每人食一個鐵板餐
一點完餐，店員就送上羅宋湯同餐包，羅宋湯好夠味，有好多配料，雜菜都煮得好腍，不過有少少辣，而餐包就熱辣辣，一放牛油入去已經即刻融晒，咬落好軟熟
之後飲品就隨後送到，我哋點左紅豆冰，紅豆差唔多佔咗成個杯嘅三分之一，紅豆煮得好腍，而且起晒沙，食落去唔算太甜，不過成杯紅豆沙夠晒冰凍
跟住老婆叫嘅鐵板一口牛柳粒就到，上面仲有兩舊炸蟹肉餅同好多炸薯角，食完之後勁飽，牛柳粒好腍，一啲都唔韌，而且份量都好多，蟹肉餅同薯角就炸得好香脆，感覺唔算太油
至於我就要左招牌美國肉眼扒，嚟到嘅時候真係嚇咗我一跳，冇諗到成塊扒會咁大塊，仲大過我塊面，而且都有一定既厚度，由於我要咗五成熟，所以切開嘅時候仍然會有少少血汁流出嚟，不過唔算太多，肉質比較有咬口同肉味好濃郁，無乜筋所以食落啖啖肉
最後我哋仲叫咗兩隻乳鴿，因為優惠價$75有兩隻，乳鴿燒得好香脆，而且價錢實惠，肉質都幾嫩滑
最後埋單$400左右，除翻開每人都係$200，但係已經飽住個肚走
张贴
