名潮食館 (已結業)

突然想食潮州菜，去了名潮食館，因為現在有二人份量的精選點心，每款兩粒，唔會多 咗粒兩個人知點分配，又可以食多幾款，很好的安排。潮州點心很飽肚，點了六款中午剛剛好。胡椒芝麻餅（小）－熱辣辣，夠薄，芝麻極之多，裏面的韭菜幾香，最好吃。潮州韭菜粿 －煎得都幾好，韭菜更加豐富，皮薄多汁。潮州糯米卷－軟軟糯糯，鹹鹹地，甜甜地，味道幾好。潮州蒸粉果與潮州蒸筍粿好似差唔多，筍粿爽些，蒸點心比之前的無咁膩。鴛鴦水晶包－可做四粒，食埋甜品才可結局，甜度剛好，滿意。細細間開在一個角落，時尚小店，有點寧靜感覺，幾舒服。