台灣館 (已結業)

位於九龍灣嘅得寶商場經過翻新之後，原來有唔少街坊食肆。今日我哋就嚟到食台灣菜嘅台灣館，叫咗兩個小菜加杯珍珠奶茶，同M佬分享公司嘅事情，享受屬於我哋兩個人嘅晚餐飯聚。酸菜魚片魚片嘅份量好多，魚肉嫩滑無骨，食落淡淡肉，一啲都唔腥！配菜有雲耳、蓮藕、萵筍同芽菜，份量唔少，其中蓮藕同萵筍索晒汁，如果有埋薯粉就更完美喇！湯底方面，酸味突出，非常開胃！樟茶鴨樟茶鴨叫咗半隻，烤過嘅鴨會縮咗水，望落同平時嘅燒鴨比會細隻啲。而烤過嘅鴨皮好香脆，鴨肉結實，但最正當然係類似乳豬醬嘅醬汁，將樟茶鴨味道大大提升。胚芽珍珠奶茶食台灣野又點少得珍珠奶茶呢？珍珠份量唔少，夠Q彈，而奶茶尚算香滑，面頭灑上適量胚芽，增加口感。