影片
更多
2019-03-27
45 浏览
爸爸媽媽去咗旅行，屋企變咗冇人煮飯，今晚一於同姐姐以及男朋友三人行一齊出去旺角食好西！三個人，食嘢選擇自然比較多，謝謝推薦食燒肉，不過又唔想食任食放題，經過一年選擇之下揀咗旺角呢間日式燒肉店，除咗有燒肉食之外，仲有日式刺身等，選擇比較多元化，啱晒我哋每款都鍾意食少少嘅人。三人行叫左個二人套餐以及幾款小食，先介紹單點嘅明太子玉子燒 $58見到圖片感覺上好吸引，黎到賣相都唔錯，滑滑嘅玉子燒包住明太子，雞蛋整得好滑身帶點甜，而且好juicy，呢個係幾有驚喜，值得推介一下！雞之盛宴 $98雞之盛宴有五款唔同嘅串燒，都係雞嘅不同部位，當中有雞皮，雞胸肉，雞胸軟骨，雞腿肉及雞羽先，每款都各有特色，就算係雞胸肉都唔會覺得好鞋，覺得最特別嘅係雞胸軟骨，出邊比較少食到嘅相信係呢一款，雞胸軟骨呈長長的，食落相當有口感，有別一般嘅雞軟骨，佢係一塊長形骨黎嫁！呢一款真係推介之選，而且配上串燒嘅醬汁好夾！雞皮脆卜卜但唔會燒得過龍，仲會食到雞皮既口感雞羽先因為外層有雞皮，周邊燒得脆脆但內裏依然有雞嘅肉質，款款都做得好出色燒雞泡魚乾唔算燒得太過乾身，食起上嚟都有點質感，加上沙律醬別有一番風味，作為究極二人套餐當中嘅
三個人，食嘢選擇自然比較多，謝謝推薦食燒肉，不過又唔想食任食放題，經過一年選擇之下揀咗旺角呢間日式燒肉店，除咗有燒肉食之外，仲有日式刺身等，選擇比較多元化，啱晒我哋每款都鍾意食少少嘅人。
三人行叫左個二人套餐以及幾款小食，先介紹單點嘅明太子玉子燒 $58見到圖片感覺上好吸引，黎到賣相都唔錯，滑滑嘅玉子燒包住明太子，雞蛋整得好滑身帶點甜，而且好juicy，呢個係幾有驚喜，值得推介一下！
雞之盛宴 $98
雞之盛宴有五款唔同嘅串燒，都係雞嘅不同部位，當中有雞皮，雞胸肉，雞胸軟骨，雞腿肉及雞羽先，每款都各有特色，就算係雞胸肉都唔會覺得好鞋，覺得最特別嘅係雞胸軟骨，出邊比較少食到嘅相信係呢一款，雞胸軟骨呈長長的，食落相當有口感，有別一般嘅雞軟骨，佢係一塊長形骨黎嫁！呢一款真係推介之選，而且配上串燒嘅醬汁好夾！
雞皮脆卜卜但唔會燒得過龍，仲會食到雞皮既口感
雞羽先因為外層有雞皮，周邊燒得脆脆但內裏依然有雞嘅肉質，款款都做得好出色
燒雞泡魚乾唔算燒得太過乾身，食起上嚟都有點質感，加上沙律醬別有一番風味，作為究極二人套餐當中嘅小食呢款覺得係唔錯，值得一試！
因為套餐有燒肉關係，所以職員都為我地送上生菜以及生菜包配料，除了一解燒肉嘅油膩感之外仲可以有多款食法，感覺都冇咁單調
豐州刺物盛（三点）由於我唔係好太好魚刺身關係，所以與刺身就唔多介紹，不過家姐就話呢個拖羅係超級新鮮！感覺好似入口即溶嘅感覺，佢極為鍾意！不過本身我唔係咁鍾意食魚刺身，淺嘗一口有佢講嘅感覺，不過我自己就唔太鍾意。
反而我自己比較鍾意帶子刺身，帶子刺身帶有鮮甜味，感覺真係好新鮮，好好食
和牛烏冬 比我自己想像中嘅和牛烏冬有點出入，本身以為和牛係生既/ 放係烏冬上面，誰不知牛肉同烏冬係分開上，而且和牛原來係以洋蔥以及菇一齊炒成，和牛食落甜甜的，味道正正合我心意！
烏冬可能因為我哋浸泡左一段時間先食，食落有點林身，呢一個位就有點小可惜
主角終於出場啦！日本和牛 & 澳洲和牛都覺有兩款，味道其實各有千秋，我自己就比較鍾意食日本和牛，因為日本和牛肉身比較林，軟身嘅口感同脂肪比例啱啱好，而且食落滿滿油脂質感，雖然食得多會覺得較為油膩，但正正因為呢一種邪惡咁易吸引到我。
澳洲和牛相對來講肉嘅分佈較多，食落肉質感覺比較實在，但依然食到牛嘅香味，呢種牛嘅油脂香味唔係所有嘅燒肉都可以食到，其實佢個味道一啲都唔差架！如果唔係同我講有兩款來自唔同國家嘅和牛我都唔會識得分😂
食完燒肉，最後當然要燒啲比較輕量嘅嘢食啦！海鮮拼盤嘅海鮮都係好新鮮架
特別係呢幾隻蝦，燒完嘅肉質相當彈牙有口感，並非死蝦既質感，而蟹腳食落都唔錯！雖然唔知佢係乜嘢蟹腳，但係燒完之後蟹腳既殼好容易處理，入面嘅肉帶大有蟹味，相信都係來自新鮮嘅材料！燒到依度我哋三個其實都已經好飽好滿足，捧腹回家！整體而言呢度嘅質素相當有保證，下次再嚟食過。
张贴
