旺角海鮮菜館

营业中

休息中

喺旺角火車站附近嘅一間中菜館，主要係食海鮮嘅！我哋揀咗二人龍蝦套餐。開胃小菜可以揀兩款，我哋揀咗白灼韭菜花同白灼魷魚，味道清爽！胡椒豬肚雞湯好豐富，豬肚同雞肉好鮮嫩～白胡椒澳洲龍蝦粉絲煲，煲上枱嘅時候好熱，而且龍蝦好大隻，肉好多，鮮甜多汁，粉絲吸收咗龍蝦汁，好味！蒜蓉粉絲蒸日本元貝，滿滿嘅蒜茸粉絲蒸煮，元貝好鮮甜豆豉果皮蒸大連鮑魚，鮑魚細嫩多汁，有果皮嘅清香，同豆豉醬都夾翡翠金沙蝦球，外脆內嫩，外層係鹹蛋，西蘭花都用鹹蛋醬汁炒過。甜品就係芋頭西米露！芋頭綿密，甜度適中，好好味！