小甜谷 (已結業)

星期六晩臨放工，有朋友問我有冇時間去食甜品，約埋之後食左小小晩飯就去左＂小甜谷＂，佢一直都想帶我去，終於有機會試下。一去到剛有枱，吾洗等即坐低，本來想叫荔枝奶凍同桂花糕，點知賣晒，最後點左紅豆沙冰、牛奶燉蛋白、楊枝甘露豆腐花、酒香朱古力奶凍（我地剛好係最後一杯。紅豆沙冰：夠味，食到紅豆香味，奶味都夠，不過始終天氣凍，飲冰個口凍到痺痺地。牛奶燉蛋白：奶味好濃，蛋白反而俾奶味蓋過左，但都食到蛋味，呢個我最喜歡。楊枝甘露豆腐花：好似略淡，但豆腐花算滑。冇咩驚喜。酒香朱古力奶凍：本身個朱古力奶凍好正、好濃，但係俾啲酒香搞到個味過左龍，有啲苦，不過都推介。冇點睇價錢，大約每款都係二十幾三十蚊咁上下，又吾細份，算抵。嗰晚都見到老闆娘谷袓琳呀，真人㡬靚喎。成晩都好甜，同自己喜歡既人一齊食就感覺更甜。哈哈。