米線陣 (已結業)

去完機場送嫲嫲機，就同老公出返黎食飯，近近地不如去青衣城啦，最近都大魚大肉，想清清地食米線算啦~我地七點幾黎到都要等8張枱，但係2人枱好快就有啦∼叫左個辛滋味二人餐，$148唔使加一~呢度好奇怪，水要自己"針"架，有個類似自助站咁，自己服務自己啦∼白裡紅蒜泥白肉: 當然無相影得咁多啦，只有5片，我略厭太大片啦，一次過唔可以放晒落口，比較麻煩。雖然眼見好多紅色既辣椒油，但係唔辣，只有少少麻辣味。川辣口水雞: 麻辣味唔夠，同白肉一樣只有少量既麻辣味，唔嗆喉，失色左少少。雞肉骨多過肉，整體都唔合格。手拍青瓜木耳: 青瓜同木耳份量平均，都幾大碟，我中意食涼伴菜，少少麻油，凍凍地幾滋味，木耳切得太細，要夾好多次先夾晒，但青瓜同木耳都好爽脆，攞返d印象分啦！米線我地一個揀腩肉魚腐，一個揀肥牛魚腐，腩肉同肥牛無問題，正常野，問題係魚腐，呢個根本唔係魚腐，係魚旦，彈牙架喎，一d"腐"既感覺都無，係咪廚師出錯呀？餐飲值得一讚，唔使加錢有特飲，忌廉菠蘿梳打無得輸，最緊要菠蘿靚，菠蘿甜甜的，飲完仲可以"er"氣，爽喎！紅豆冰椰奶味香，紅豆又夠林，上品~食飽決定睇多套戲先走，愉快的一晚啊~！