石一燒 (九龍城) (已結業)

這個星期實在太忙，今日放工決定同老公食餐好既。經朋友介紹下就黎左九龍城呢間石一燒。店舖不是太大，感覺光猛，乾淨企理，仲好新添。我地叫左個698套餐，首先有碗櫻花蝦味噌湯，好清楚見到每一隻隻原隻既櫻花蝦，可見有幾澎湃!湯濃郁清甜又唔會太咸。沙律沙律菜配上幾朵真花，真花竟然係食得既，再添上少許芝麻醬，簡直係絕配。前菜三品分別有炸日本蕃薯，帶子裙邊和中華沙律。蕃薯鮮甜，中華沙律清爽，帶子裙邊爽辣，非常惹味。石頭燒有370度高温，職員溫馨提示我們要小心，以免熨親手，非常細心。16安士和牛盛會分別有澳洲和牛封門柳，九州A4和牛三角胸和九州A4和牛前腿肉。職員提示我們從左邊吃到右邊，由脂肪小既肉開始食到脂肪多既肉，燒大概40秒就可以食用。賣相非常吸引!忍唔住要即刻燒啦！澳洲和牛封門柳石頭燒真係非常高温，把肉放落去，已經好快變色，轉一次已經熟了。牛肉口感軟嫰，一咬入口就已經完全分隔，牛肉味重。A4和牛前腿肉油脂分佈均勻，牛肉香口軟熟，有點入口即溶既感覺。A4和牛三角胸呢款油脂相對黎講會多d肥d，放入口飽滿既油脂分秘徘徊在口裏，肉質香嫰，完全停不了口。抹茶雪糕把水加落綠茶粉內再攪拌，用水的多少去調教綠