影片
更多
2018-09-11
211 浏览
好耐之前已經嚟過圖山呢間台灣餐廳，仲記得上次叫個流沙奶黃包，好好食！一直都好想再試下。今晚又相約幾位好友喺諾士佛臺Happy Hour, 一掃過去一星期的工作壓力。飲完嘢又嚟到圖山食飯。首先叫咗個前菜雙拼，有台式鴨舌同蛋黃小卷。因為我本身唔食鴨舌，所以無法評論呢道菜，不過個蛋黃小卷就幾特別。貌似切片嘅雞蛋，不過蛋黃同蛋白嘅比例同一般雞蛋好唔同，蛋黃佔大部分，沿邊先係蛋白，食落先知道原來白邊係魷魚，入面係咸蛋黃同蔬菜粒嘅混合！上網睇過原來先將咸蛋黃、蔬菜粒切碎，再將魷魚筒煮熟，釀入蛋黃料，再蒸全熟！呢d真係手工菜，美觀又好食，無乜地方食得到！麻油雞湯亦係台灣特色菜之一，當然唔可以唔叫啦。一大碗雞湯每個人分到三碗！上枱時好香麻油味，湯頭清徹，味道有少少甘甘地，雞肉嫩滑，一碗落肚即時覺得胃部暖暖的，好舒服！朋友嗜辣，我哋都叫咗個水煮魚。我個人唔算好食得辣，但覺得呢味水煮魚味道好有層次，唔係死辣，佢辣得嚟又未致於令人流晒口水鼻涕。佢係有一種香味，好有層次慢慢滲出嘅！另外魚片嫩滑，入面仲有芽菜，水晶粉，薯仔等，好豐富！最後仲有一碟簡簡單單的台灣A菜，平衡翻日常纎維需要！事隔多年再幫襯，依然保持水
首先叫咗個前菜雙拼，有台式鴨舌同蛋黃小卷。因為我本身唔食鴨舌，所以無法評論呢道菜，不過個蛋黃小卷就幾特別。貌似切片嘅雞蛋，不過蛋黃同蛋白嘅比例同一般雞蛋好唔同，蛋黃佔大部分，沿邊先係蛋白，食落先知道原來白邊係魷魚，入面係咸蛋黃同蔬菜粒嘅混合！上網睇過原來先將咸蛋黃、蔬菜粒切碎，再將魷魚筒煮熟，釀入蛋黃料，再蒸全熟！呢d真係手工菜，美觀又好食，無乜地方食得到！
麻油雞湯亦係台灣特色菜之一，當然唔可以唔叫啦。一大碗雞湯每個人分到三碗！上枱時好香麻油味，湯頭清徹，味道有少少甘甘地，雞肉嫩滑，一碗落肚即時覺得胃部暖暖的，好舒服！
朋友嗜辣，我哋都叫咗個水煮魚。我個人唔算好食得辣，但覺得呢味水煮魚味道好有層次，唔係死辣，佢辣得嚟又未致於令人流晒口水鼻涕。佢係有一種香味，好有層次慢慢滲出嘅！另外魚片嫩滑，入面仲有芽菜，水晶粉，薯仔等，好豐富！
最後仲有一碟簡簡單單的台灣A菜，平衡翻日常纎維需要！
事隔多年再幫襯，依然保持水準！
张贴
